Senamirmir Senamirmir Projects Senamirmir Interviews Senamirmir Downloads Senamirmir Links Senamirmir Navigation Bar
Chapter I Table of Contents TeX Resources JIA Navigation Bar









የላተክ (LaTeX) ሰነድ አጻጻፍና አወጣጥ

2.1 ምዕላደ-ቃላት

አማርኛ ቃል እንግሊዘኛ ቃል
ሆሄ/ሆሄያት character/chararcters
ሥርዓተ-ነጥባት punctuation marks
ፎንት* font
ንባብ text
ሰነድ document
ፋይል* file
ትዕዛዝ command

2.2 የሥራው ቅደም-ተከተል

በዚህ ክፍል እንዴት አድርገን የLaTeX ሰነዶችን እንደምናዘጋጅ በተርታ እንመለከታለን። ሥራው የሚከተሉት ደረጃዎች ይይዛል።

  1. ሳድስን (Sadiss) በመጠቀም ሰነዶችን መጻፍ።
  2. የተጻፈውን ሰነድ በLaTeX ማዘጋጀት።
  3. በLaTeX የወጣውን ሰነድ ማንበብ ወይም ማተም።
  4. ስሕተቶችን ወይም ችግሮችን ማስወገድ።

ሂደቱን ጀምሮ ለመጨረስ በምዕራፍ ፩ የተዘረዘሩት ሶፍትዌሮች በሙሉ መኖርና መሥራት አለባቸው። ሌሎች አማራጭ ሶፍትዌሮች ካሉ የተጠቃሚው ፈንታ ነው።

2.3 በሳድስ ሰነድ አጻጻፍ

የLaTeX ጽሑፋችንን የምናዘጋጀው በኢትዮጵያ ፊደል መጻፊያ ፕሮግራም ሳድስ ነው። እንደ ምሳሌ የቀረቡት ሰነዶች በሙሉ የተጻፉት ሳድስን በመጠቀም ነው። ይህ ፕሮግራም፥ በዩንኮድ መልክ የተጻፉ ንባቦችን በትክክለኛ መንገድ ወደ ዲስክ የመጻፍና የማንበብ ችሎታ አለው። የTeX ወይም የLaTeX ፋይሎችን በውል ይረዳል። ሥራውን እንጀምር።

  1. ሳድስን ለሥራ የማሰማራቱ ተግባር እንደ ኦፕሬቲንግ ሲስሰተሙ ይለያያል። በዊንዶስ ከሆነ ግን ማድረግ ያለብን የሳድስን ማኅደር sadiss ፈልገን sadiss.bat የሚለውን ፋይል ማስነሳት ነው። ልዪንክስ ከሆነ ግን መንገዱ ይህ ነው።
    java -jar Sadiss.jar am ET
    java -jar Sadiss.jar en US
    		
  2. አሁን ሳድስ መነሳት አለበት። የሚከተለውን ምሳሌ ሳንጨምር ወይም ሳንቀንስ እንዳለ እንጻፍ።
    የላተክ (LaTeX) ሰነድ
    
    \documentclass{article}
       \usepackage[utf8x]{inputenc}
       \usepackage[LET, T1]{fontenc}
       \newcommand\e[1]{\bgroup\fontencoding{LET}\fontfamily{jiret}
                            \selectfont#1\egroup}
    \begin{document}
    	\e{ይህ ሙከራ ነው።}
    \end{document}
    
    			
  3. ጽሑፉን እንደ test.tex ወደ ዲስክ እናስቀምጥ። የምናስቀምጥበትን ማኅደር ለይተን ማወቅ አለብን። ሌላ ምክንያት ከሌለ ethtexdoc የሚለው ማኅደር ውስጥ እናስቀምጥ።

2.4 ጹሑፍን በላተክ ማዘጋጀት

የሚቀጥለው ተግባራችን ጹሑፋችንን በላተክ ማዘጋጀት ነው። በዚህ ሂደት ውስጥ ላተክ ጽሑፋችንን አንብቦ በተሰጠው መመሪያ መሠረት የመጨረሻውን ፋይል ያወጣል። ያንን ፋይል ማንበብ ወይም ማተም እንችላለን።

ጽሑፋችንን በላተክ የምናዘጋጅበት መንገድ ከአንድ በላይ ነው። በዚህ ጥናት ውስጥ ግን pdflatexን እንጠቀማለን። በመሆኑም ተጠቃሚው የማንበቡን ሆነ የማተሙን ሥራ በቀላሉ ማካሄድ ይችላል። ግዴታው የአዶቢን ሪደር (Adobe Reader) መኖሩ አለበት ነው። የሚከተለው ቅደም-ተከተል መፈጸም ያለበት በዊንድስ ሥር ነው፤ ይሁን እንጂ ተፈላጊውን ለውጥ በማድረግ በልዪንክስ ሥር ተግባሩን መፈጸም ይቻላል።

  1. Startን በተን ጠቅ እናድርግ፤ የRun ሜኒዩ እንምረጥ። በሚቀርበው መስኮት ሥር cmd እንጻፍና Ok የሚለውን በተን ጠቅ እናድርግ። የዶስ መስኮት ይከፈታል።
  2. ወደ ትክክለኛው ማኅደር ለመሸጋገር ይኸን እዝ እናስገባ። ጽሑፋችን ያስቀምጠነው ሌላ ማኅደር ውስጥ ከሆነ፥ ያንን እዙ ውስጥ እንጠቀም።
    	cd c:\ethtexdoc	
    
  3. አሁን ጽሑፋችንን በላተክ የማዘጋጀቱ ደረጃ ላይ ደርሰናል እዙም ይህ ነው።
    	pdflatex test	
    
    ፕሮግራሙ ተነስቶ ጽሑፋችንን ማዘጋጀት ይጀምራል። በሂደቱ ውስጥ እየተወሰደ ያለውን እርምጃ መልክት በመጻፍ ያስታውቃል። ምናልባት የሚፈልጋቸው ፓኬጆች ካልተገኙ፥ እነሱን ፈልጎ ለማምጣትና ለማስገባት ዕድሉን ይሰጠናል። ከኢንተርነት የት ቦታ ሆዶ ማግኘት እንዳለበት ቅድሚያዊ እውቀት ስላለው ያንን መጠቀሙ ቀላል ነው። ሰነዳችን ውስጥ ስሕተት ካልተገኘ፥ pdflatex ውጤቱን test.pdf የሚል ፋይል በመፍጠር ሥራውን ያጠናቅቃል።

2.5 ማንበብ ወይም ማተም

በዚህ ሂደት ውስጥ በፒ/ዲ/ኤፍ መልክ የወጣውን ጽሑፋችንን ለማንበብ ወይም ለማተም መሞከር ነው። ሥራው እጅግ በጣም ቀላል ነው። ፒ/ዲ/ኤፍ አንባቢ ፕሮግራማችንን አስነስተን test.pdfን በመክፈት ጽሑፋችን ምን እንደሚመስል መመልከትና እንዳሥፈላጊነቱ ማተም እንችላለለን።

አንድ በፍጹም መጠንቀቅ ያለብን ነገር አለ። ጽሑፋችንን እንደጠበቅነው ከወጣ መልካም፤ ነገር ግን በከፍተኛ ደረጃ ስናሳድገው (zoom in) ፊደላቱ ዳርዳራቸው ትንሽም ቢሆን መሸራረፍ የለበትም። ከሆነ ወደ ምዕራፍ ፩ ተመልሰን ከMikTeX Options ጋር የተያየዘውን የዝግጅት ሥራ መድገም አለብን።

2.6 ስህተቶችና አስተራረም

የLaTeX ጽሑፍ ዝግጅት ለስህተቶች መፈጠር አመቺና ችግር ፈጣሪ ነው። ስህተቶች ሲከሰቱ የግድ መታረም አለባቸው ምንም እንኳን አንዳንዶቹ ለሥራው መካሄድ ሙሉ በሙሉ እንቅፋት ባይሆኑም። የስህተቶችን መኖርና አለመኖር በወል የምናውቀው ጽሑፋችንን በLaTeX በምናዘጋጅበት ወቅት ነው።

LaTeX ስህተቶች ሲያጋጥሙት፥ የስህተቱን ዓይነትና ምንጩ የት እንደሆነ ይገልጻል። አብዛኛውን ጊዜ፥ ከስህተቶቹ መልክት መንስኤቸውን በቀላሉ መረዳት ይቻላል። አንዳንድ ጊዜ ግን፥ ምክንያቱን በግልጽ ማወቅ በጭራሽ ይቸግራል። ለማንኛውም ራስን ከስህተት ዓይነቶች ጋር ማዛመድ፥ መፍትሄዎችን በቀላሉ ለመሻት ይረድል።

ይህ ማለት ምን ማለት ነው? አንድን ጽሑፍ በLaTeX ስናዘጋጅ፥ በውጤቱ እስከምንረካ ድረስ ሂደቱን መደጋገም የግድ ነው። በአጠቃላይ ደረጃ TeXን ከባድ ከሚያረጉት ምክንያቶች አንዱ ይህ ነው።




Chapter I Table of Contents TeX Resources JIA Navigation Bar


Copyright © 2002-2005 Senamirmir Project